La Rêt GNSS (Global Navigation Satellite System) “Antonio Marussi” de Regjon Autonome Friûl Vignesie Julie (FVJ) e je une infrastruture gjeodetiche essenziâl par ducj i operadôrs che a eseguissin misurazions topografichis professionâls tal teritori regjonâl.

La rêt e consist di dîs stazions permanentis, ativis 24 oris in dì par 7 dîs su 7, e e permet di segnâ lis costelazions GPS, GLONASS e GALILEO. Si po zovâsi, in forme gratuìde, di servizis sedi pe corezion diferenziâl in post-processing in gracie de disponibilitât dai files in formât Rinex des singulis stazions, sedi di posizionament in timp reâl. Il servizi in timp reâl al distribuìs, par internet a mieç NTrip, lis corezions daûr dai sistemis: Singule Base (DGPS e RTK), Nearest, VRS e MAC. I dâts a son trasmetûts tai formâts RTCM 2.3 e 3.1 e CMR.

INFORMAZIONS

Il svilup de rêt regjonâl GNSS e lis sôs carateristichis strumentâls

DÂTS E SERVIZIS

Modul

INFORMATIVE AI SENS DAL ARTICUL 13 DAL D.LGS. 196/2013 E DAL ARTICUL 13 DAL REGOLAMENT (UE) 2016/679

1.  Titulâr, Responsabil de protezion dai dâts e Responsabil dal tratament

Il Titulâr dal tratament dai dâts personai ogjet di cheste normative e je la Regjon Friûl Vignesie Julie, rapresentade dal President.
Il Dot. Mauro Vigini, in tant che Diretôr centrâl par determinadis funzions, justis deliberazions de Zonte n. 2497 dd. 18 Dicembar 2014 e n. 538 dd. 15 Març 2018, al è il Responsabil de protezion dai dâts (RPD) seont l'articul 37 dal Regolament (UE) cun decorence a partî dal 25 di Mai dal 2018.

Presidente
Piazza dell'Unità d''Italia 1, 34121 Trieste
tel: +39 040 3773710
e-mail: presidente@regione.fvg.it
PEC: regione.friuliveneziagiulia@certregione.fvg.it

RPD
Piazza dell'Unità d'Italia 1, 34121 Trieste
tel: +39 040 3773707
e-mail: mauro.vigini@regione.fvg.it
PEC: privacy@certregione.fvg.it

Insiel S.p.A. e je il Responsabil dal tratament dai dâts personai conetût ae furnidure dai servizis ogjet dal “Disiplinâr pal afidament in house des ativitâts relativis al disvilup e ae gjestion dal Sisteme Informatîf Integrât Regjonâl e des infrastruturis di telecomunicazion de bande de Regjon Autonome Friûl Vignesie Julie ae Societât Insiel S.p.A.“

2. Finalitâts dal tratament
La racuelte dai siei/sôi dâts personai e ven partade indenant regjistrant i dâts che Lui/Je stes/stesse e furnìs, tant che interessât/-ade a zovâsi dai servizis de rêt regjonâl GNSS “A. Marussi“.

3. Nature dal conferiment dai dâts
Il conferiment dai dâts al è obligatori. Il mancjât conferiment dai dâts al rint impussibil zovâssi dai servizis che si è fat riferiment parsore al pont 2.

4. Modalitâts di tratament dai dâts
In relazion ae finalitât descrite, il tratament dai dâts personai al ven metût in vore par mieç di struments manuai, informatics e telematics seont logjichis stretamentri colegadis ae finalitât evidenziade parsore, e, in ogni câs, in mût di garantî la sigurece e la riservatece dai dâts midiesims.

5. Categoriis di destinataris dai dâts personai
A puedaran cognossi i dâts personai in maniere esclusive dome i dipendents de Regjon Autonome Friûl Vignesie Julie individuâts tant che incaricâts dal tratament e dome i dipendents de Societât Insiel S.p.A. che a oparin su lôr mandât, pes necesitâts tecnichis conetudis ae furnidure dai servizis.

6. Periodi di conservazion
I dâts personai a saran conservâts par dut il timp che i servizis de rêt regjonâl GNSS “A. Marussi“ a saran furnîts .

7. Dirits dal interessât
L'interessât, seont il D.Lgs. 196/2013 e il Regolament (UE) 2016/679, al à il dirit di domandâ l'aces ai siei dâts personai o ben la lôr retifiche o cancelazion, la limitazion o la oposizion al lôr tratament.
E ancjemò, l'interessât al à il dirit di proponi reclam al Garant pe protezion dai dâts personai.